பவிஷ் நாயகனாக நடித்துள்ள லவ் ஓ லவ் திரைப்படத்தின் டீசர் வெளியானது !

நடிகர் பவிஷ் நாயகனாக நடித்து உருவாகியுள்ள புதிய திரைப்படமான ‘லவ் ஓ லவ்’ (Love Oh Love) படத்தின் அதிகாரப்பூர்வ டீசர் இன்று வெளியாகியுள்ளது.

இயக்குநர் தனுஷ் இயக்கிய ‘நிலவுக்கு என்மேல் என்னடி கோபம்’ திரைப்படத்தின் மூலம் தமிழ் சினிமாவில் நாயகனாக அறிமுகமானவர் பவிஷ். நடிகர் தனுஷின் அக்கா மகனான இவர், தற்போது அடுத்தடுத்த திரைப்படங்களில் ஒப்பந்தமாகி பிஸியாக நடித்து வருகிறார்.

அந்த வகையில், பவிஷ் நடிப்பில் உருவாகியுள்ள ‘லவ் ஓ லவ்’ திரைப்படம் வரும் ஜூலை மாதம் திரையரங்குகளில் வெளியாகத் தயாராகி வருகிறது. இந்த நிலையில், ரசிகர்களின் எதிர்பார்ப்பை அதிகரிக்கும் வகையில் இப்படத்தின் டீசரை படக்குழுவினர் இன்று வெளியிட்டுள்ளனர்.

இயக்குநர் மகேஷ் ராஜேந்திரன் இயக்கியுள்ள இத்திரைப்படத்தில் பவிஷுக்கு ஜோடியாக நாகா துர்கா நாயகியாக நடித்துள்ளார். மேலும், முக்கிய கதாபாத்திரங்களில் பிரபல இயக்குநர்களான கே. எஸ். ரவிக்குமார் மற்றும் செல்வராகவன் உள்ளிட்டோர் நடித்துள்ளனர் என்பது குறிப்பிடத்தக்கது.

ஜூலை மாத வெளியீடாக வரவிருக்கும் இந்தத் திரைப்படத்தின் டீசர் தற்போது சமூக வலைத்தளங்களில் வைரலாகி வருகிறது.