ஜனநாயகன் ரிலீஸ் தேதி குறித்து வெளியான அதிரடி அப்டேட் !

எச்.வினோத் இயக்கத்தில், தளபதி விஜய் நடிப்பில் உருவாகியுள்ள ‘ஜனநாயகன்’ திரைப்படத்தின் ரிலீஸ் தேதி குறித்த புதிய தகவல் வெளியாகி சமூக வலைத்தளங்களில் வைரலாகி வருகிறது.

முன்னதாக, ‘ஜனநாயகன்’ திரைப்படம் கடந்த ஜனவரி மாதமே திரைக்கு வர வேண்டியிருந்தது. ஆனால், தணிக்கை வாரியத்தின் (Sensors Board) சான்றிதழ் பெறுவதில் ஏற்பட்ட சில தாமதங்கள் காரணமாக படத்தின் ரிலீஸ் தள்ளிப்போனது.

துல்லியமான ரிலீஸ் தேதி இன்னும் அதிகாரப்பூர்வமாக அறிவிக்கப்படாததால், தளபதி ரசிகர்கள் மட்டுமின்றி, தியேட்டர் உரிமையாளர்களும், விநியோகஸ்தர்களும் அடுத்த அறிவிப்புக்காக மிகுந்த ஆவலுடன் காத்துக்கொண்டிருக்கின்றனர்.

இந்நிலையில், படத்திற்கு சென்சார் சான்றிதழ் வாங்குவதற்கான பணிகளில் படக்குழுவினர் தற்போது டெல்லியில் தீவிரமாக ஈடுபட்டு வருவதாக நம்பத்தகுந்த வட்டாரங்கள் தெரிவிக்கின்றன.

தணிக்கை சான்றிதழ் கிடைப்பதைப் பொறுத்து, படத்தை வெளியிட இரண்டு தேதிகளை படக்குழுவினர் திட்டமிட்டுள்ளதாகக் கூறப்படுகிறது:

• பிளான் ஏ (Plan A): இன்னும் ஓரிரு நாட்களுக்குள் சென்சார் சான்றிதழ் கிடைத்துவிட்டால், வரும் ஜூன் 26-ம் தேதியே படத்தை திரைக்கு கொண்டு வர வாய்ப்புள்ளதாம்.

• பிளான் பி (Plan B): ஒருவேளை சான்றிதழ் கிடைக்க மேலும் தாமதம் ஏற்பட்டால், எக்காரணத்தைக் கொண்டும் தள்ளிப்போடாமல் ஜூலை முதல் வாரத்திற்குள் படத்தை எப்படியாவது ரிலீஸ் செய்துவிட வேண்டும் என்பதில் படக்குழு உறுதியாக உள்ளதாம்.

டெல்லியில் இருந்து வரும் அடுத்த ஓரிரு நாட்களின் அப்டேட்டைப் பொறுத்தே ‘ஜனநாயகன்’ ஜூன் 26-ல் வருமா அல்லது ஜூலை முதல் வாரத்தில் வருமா என்பது உறுதியாகும். இதனால் ஒட்டுமொத்த கோலிவுட்டும் தற்போது டெல்லி சென்சார் போர்டு பக்கமே தன் பார்வையைத் திருப்பியுள்ளது.