News
டிசம்பர் 4-ல் களமிறங்கும் மணிகண்டனின் ‘மக்கள் காவலன்’ !
தமிழ் சினிமாவில் தனது யதார்த்தமான நடிப்பால் ரசிகர்களின் மனதைக் கவர்ந்து வரும் நடிகர் மணிகண்டன். இன்று அவரது பிறந்தநாளை முன்னிட்டு, அவர் கதையின் நாயகனாக நடித்துள்ள ‘மக்கள் காவலன்’ திரைப்படத்தின் ரிலீஸ் தேதி அதிகாரப்பூர்வமாக அறிவிக்கப்பட்டுள்ளது. மணிகண்டனின் பிறந்தநாள் ட்ரீட்டாக இந்த அறிவிப்பு வெளிவந்திருப்பது ரசிகர்களை உற்சாகப்படுத்தியுள்ளது.
போலீஸாக மிரட்டும் மணிகண்டன்: அறிமுக இயக்குநர் சந்தோஷ் குமார் இயக்கும் இந்தப் படத்தில், மணிகண்டன் முதல்முறையாகக் காக்கிச்சட்டை அணிந்து மிடுக்கான காவல்துறை அதிகாரியாக நடித்துள்ளார். வித்தியாசமான கதைக்களங்களைத் தேர்ந்தெடுத்து நடிக்கும் அவருக்கு, இந்தப் படம் மாஸ் ஹீரோவுக்கான அடையாளத்தைக் கொடுக்கும் என எதிர்பார்க்கப்படுகிறது.
தற்போது படத்தின் இறுதிக்கட்ட வெளியீட்டுப் பணிகள் மிகத் தீவிரமாக நடைபெற்று வருகின்றன. வருகிற டிசம்பர் 4-ஆம் தேதி உலகமெங்கும் திரையரங்குகளில் ‘மக்கள் காவலன்’ வெளியாகவுள்ளது.
நீலம் புரொடக்ஷன்ஸ்’ மற்றும் ‘பிர்லா ஸ்டூடியோஸ்’ ஆகிய நிறுவனங்கள் இணைந்து இப்படத்தை பிரமாண்டமாகத் தயாரித்துள்ளன.
தொடர்ந்து வெற்றிப் படங்களைக் கொடுத்து வரும் மணிகண்டனுக்கு இந்தப் படமும் மிகப்பெரிய வெற்றிப் படமாக அமைய ரசிகர்களும் திரையுலகினரும் அவருக்குப் பிறந்தநாள் வாழ்த்துகளுடன் சேர்த்துப் படக்குழுவுக்கும் வாழ்த்துகளைத் தெரிவித்து வருகின்றனர்.
