இணையத்தை அதிரவைக்கும் ‘ஜெயிலர் 2’ செகண்ட் சிங்கிள்: ‘ஒன் மூன் ஒன் சன்…’ ரிலீஸ் !

சூப்பர்ஸ்டார் ரஜினிகாந்தின் நடிப்பில், நெல்சன் திலீப்குமார் இயக்கத்தில் பிரம்மாண்டமாக உருவாகி வரும் ‘ஜெயிலர் 2’ படத்தின் இரண்டாவது பாடல் வெளியாகி இணையத்தை ஆக்கிரமித்துள்ளது.

‘ஜெயிலர்’ படத்தின் முதல் பாகம் உலக அளவில் மாபெரும் வெற்றியைப் பதிவு செய்த நிலையில், அதன் தொடர்ச்சியாக ‘ஜெயிலர் 2’ திரைப்படம் பெரும் எதிர்பார்ப்புகளுக்கு இடையே உருவாகி வருகிறது. சன் பிக்சர்ஸ் தயாரிக்கும் இப்படத்திற்கு அனிருத் இசையமைக்கிறார்.

கடந்த வாரம் இப்படத்தில் இணைந்துள்ள முன்னணி நட்சத்திரங்களான எஸ்.ஜே. சூர்யா, வித்யா பாலன் மற்றும் மலையாள நடிகர் சூரஜ் வெஞ்சரமூடு ஆகியோரின் கதாபாத்திர அறிமுக வீடியோக்கள் வெளியாகி ரசிகர்களிடையே அமோக வரவேற்பைப் பெற்றன. மேலும் முதல் பாகத்தில் மாஸ் காட்டிய மோகன்லால், சிவராஜ்குமார் ஆகியோருடன் பாலிவுட் நடிகர் ஹ்ரித்திக் ரோஷனும் சிறப்புத் தோற்றத்தில் நடிப்பதாகத் தகவல்கள் வெளியாகியுள்ளன. ரம்யா கிருஷ்ணன், யோகி பாபு, மிர்ணா ஆகியோரும் முக்கிய கதாபாத்திரங்களில் தொடர்ந்து நடிக்கின்றனர்.

ஒன் மூன்… ஒன் சன்… பாடல் ரிலீஸ்! இந்நிலையில், ரசிகர்களின் எதிர்பார்ப்பை எகிற வைக்கும் வகையில் இப்படத்தின் இரண்டாவது சிங்கிள் பாடலான ‘ஒன் மூன்… ஒன் சன்..’ (One Moon… One Sun..) தற்போது அதிகாரப்பூர்வமாக வெளியிடப்பட்டுள்ளது.

‘ஹெய்சன்பெர்க்’ மற்றும் ‘சூப்பர் சுப்பு’ ஆகியோர் இணைந்து வரிகள் எழுதியுள்ள இந்தப் பாடலை, இசையமைப்பாளர் அனிருத்தே தனது துள்ளலான குரலில் பாடியுள்ளார். முதல் பாகத்தின் ‘காவாலா’, ‘ஹுகும்’ ஆகிய பாடல்களைப் போலவே இந்தப் பாடலும் பட்டிதொட்டியெங்கும் ஹிட்டடிக்கும் என ரசிகர்கள் சமூக வலைத்தளங்களில் ட்ரெண்ட் செய்து வருகின்றனர்.