‘ஜெயிலர் 2’ ட்ரெய்லர் வெளியீடு: மீண்டும் அதிரடி களமிறங்கும் டைகர் முத்துவேல் பாண்டியன் !

சூப்பர் ஸ்டார் ரஜினிகாந்த் நடிப்பில், நெல்சன் திலீப்குமார் இயக்கத்தில் பெரிதும் எதிர்பார்க்கப்பட்ட ‘ஜெயிலர் 2’ திரைப்படத்தின் அதிகாரப்பூர்வ ட்ரெய்லர் தற்போது வெளியாகியுள்ளது. சன் பிக்சர்ஸ் (Sun Pictures) நிறுவனம் தயாரித்துள்ள இந்த படத்தின் ட்ரெய்லர், வெளியான சில மணி நேரங்களிலேயே இணையத்தில் வைரலாகி வருகிறது.

மீண்டும் டைகர் முத்துவேல் பாண்டியன்: முதல் பாகத்தின் பிரம்மாண்ட வெற்றியைத் தொடர்ந்து, ‘ஜெயிலர் 2’ ட்ரெய்லர் முழுக்க முழுக்க ஆக்‌ஷன் மற்றும் ரஜினிக்கே உரித்தான மாஸ் வசனங்களால் நிரம்பியுள்ளது. “யார் அவன்… என்னைக்கும் டைகர் முத்துவேல் பாண்டியன்…” என்ற பவர்ஃபுல்லான வசனத்துடன் ரஜினி திரையில் தோன்றுவது ரசிகர்களை உற்சாகத்தில் ஆழ்த்தியுள்ளது.

ட்ரெய்லரின் முக்கிய சிறப்பம்சங்கள்:

• ட்ரேட்மார்க் பஞ்ச் வசனங்கள்: “காபியா டீயா… இதுலதான் சாய்ஸ்! குடிக்கணுமா குடிக்கக் கூடாதான்றதுல கிடையாது” போன்ற ரஜினியின் கிளாசிக் ஸ்டைல் பஞ்ச் வசனங்கள் ட்ரெய்லரின் மிகப்பெரிய ஹைலைட்டாக அமைந்துள்ளன.

• அதிரடி ஆக்‌ஷன் & வியூகம்: முதல் பாகத்தை விட இதில் ஆக்‌ஷன் காட்சிகள் மெிரட்டலாக இருக்கும் என்பதை ட்ரெய்லர் உணர்த்துகிறது. “ஏன் அந்த ஜெயிலர் மட்டும்தான் ஸ்னைப்பர் வைப்பாரா? நாங்க வைக்க மாட்டோமா” போன்ற வசனங்கள் மூலம் வில்லன்களின் பலம் காட்டப்பட்டுள்ளது. மேலும், எதிரிகளை ஒரே இடத்துக்கு வரவழைத்து பாம் வைப்பது போன்ற மாஸ் வியூகங்களும் இடம்பெற்றுள்ளன.

• அனிருத்தின் மேஜிக்: ஆக்‌‌ஷன் காட்சிகளுக்கும், ரஜினியின் மாஸ் என்ட்ரிக்கும் அனிருத்தின் அதிரடியான பின்னணி இசை ட்ரெய்லரின் வேகத்தை பல மடங்கு கூட்டுகிறது.

எகிறும் எதிர்பார்ப்பு: சன் டிவியின் யூடியூப் தளத்தில் வெளியாகியுள்ள இந்த ட்ரெய்லர், வெளியான சிறிது நேரத்திலேயே சுமார் 4 லட்சத்திற்கும் அதிகமான பார்வைகளையும் (Views), 55 ஆயிரத்திற்கும் மேற்பட்ட லைக்குகளையும் குவித்து ட்ரெண்டிங்கில் இடம்பிடித்துள்ளது.

முத்துவேல் பாண்டியன் இம்முறை இன்னும் ஆபத்தான மற்றும் பெரிய எதிரிகளை சந்திக்கப் போகிறார் என்பது ட்ரெய்லர் மூலம் உறுதியாகியுள்ளது. இந்த ட்ரெய்லர் ரஜினி ரசிகர்களுக்கு ஒரு மிகப்பெரிய விருந்தாக அமைந்துள்ளது. ‘ஜெயிலர் 2’ திரைப்படத்தின் அடுத்தடுத்த அப்டேட்டுகளுக்காக ரசிகர்கள் ஆவலுடன் காத்திருக்கின்றனர்.