‘டாக்சிக்’ படத்தின் பிரமாண்ட டிரைலர் வெளியீடு !

கீது மோகன்தாஸ் இயக்கத்தில், ‘ராக்கிங் ஸ்டார்’ யஷ் நடிப்பில் மிகவும் பிரமாண்டமாக உருவாகியுள்ள ‘டாக்சிக்’ (Toxic) படத்தின் டிரைலர் வெளியாகி இணையத்தில் தீயாய் பரவி வருகிறது.

கே.வி.என் புரொடக்ஷன்ஸ் (KVN Productions) தயாரிப்பில், பான் இந்தியா படமாக உருவாகியுள்ள இப்படத்தில் நயன்தாரா, கியாரா அத்வானி, ஹுமா குரேஷி, தாரா சுதாரியா, ருக்மிணி வசந்த் என மிகப்பெரிய நட்சத்திர பட்டாளமே முக்கிய கதாபாத்திரங்களில் நடித்துள்ளனர்.

4 நிமிடம் 38 வினாடிகள் ஓடும் இந்த டிரைலர் முழுக்க முழுக்க வன்முறை, ஆக்‌ஷன் மற்றும் ரத்தம் தெறிக்கும் காட்சிகளால் நிரம்பியுள்ளது. கேங்ஸ்டர் பின்னணியில் உருவாகியுள்ள இந்த படத்தில், யஷ் அப்பா – மகன் என இரண்டு மாறுபட்ட வேடங்களில் நடித்துள்ளார்.

அப்பா மற்றும் மகனுக்கு இடையேயான மோதலே இப்படத்தின் மையக்கரு என்பது டிரைலர் மூலம் தெளிவாகிறது. முன்னதாக இப்படத்தின் கிளிம்ப்ஸ் மற்றும் டீஸர் விவாதங்களை ஏற்படுத்திய நிலையில், பாடல்கள் மூலம் எதிர்பார்ப்பைத் தக்க வைத்துக் கொண்டது.

தமிழ், தெலுங்கு, மலையாளம், கன்னடம் மற்றும் ஹிந்தி என 5 மொழிகளில் சரியாக 07:01 மணிக்கு வெளியான இந்த அதிரடி டிரைலர் ரசிகர்களிடையே மாபெரும் வரவேற்பை பெற்றுள்ளது. கேங்ஸ்டர் ஆக்‌ஷன் களத்தில் உருவாகியுள்ள ‘டாக்சிக்’ திரைப்படம் வரும் ஆகஸ்ட் 26-ம் தேதி உலகமெங்கும் திரையரங்குகளில் பிரமாண்டமாக வெளியாக உள்ளது.