லோகேஷின் ‘பென்ஸ்’ படப்பிடிப்பு மீண்டும் தொடக்கம் !

நீண்ட இடைவேளைக்குப் பிறகு, லோகேஷ் கனகராஜ் தயாரிப்பில் ராகவா லாரன்ஸ் மற்றும் நிவின் பாலி நடிக்கும் ‘பென்ஸ்’ திரைப்படத்தின் அடுத்தகட்ட படப்பிடிப்பு விறுவிறுப்பாகத் தொடங்கியுள்ளது.

எல்.சி.யு (LCU) இணையும் ‘பென்ஸ்’ பாக்யராஜ் கண்ணன் இயக்கத்தில் உருவாகி வரும் ஆக்‌ஷன் திரைப்படம் ‘பென்ஸ்’. இதில் நடிகர் ராகவா லாரன்ஸ் கதாநாயகனாக நடிக்க, அவருக்கு வில்லனாக மலையாள நடிகர் நிவின் பாலி களமிறங்குகிறார். மேலும், ரவி மோகன் ஒரு முக்கிய கதாபாத்திரத்தில் நடித்து வருகிறார். லோகேஷ் கனகராஜின் தயாரிப்பில் உருவாகும் இந்தப் படம், அவரது ‘எல்.சி.யு’ (LCU – Lokesh Cinematic Universe) கதைகளுடன் நேரடியாக இணைப்பை ஏற்படுத்தும் வகையில் உருவாகி வருவது ரசிகர்களிடையே பெரும் எதிர்பார்ப்பை ஏற்படுத்தியுள்ளது.

50% படப்பிடிப்பு நிறைவு முன்னதாக, விஜய் நடித்த ‘லியோ’ படத்திற்காக அமைக்கப்பட்ட பிரம்மாண்ட செட்டிலும், புதிதாக உருவாக்கப்பட்ட மற்ற முக்கிய செட்டுகளிலும் ‘பென்ஸ்’ படப்பிடிப்பு நடைபெற்று வந்தது. இதுவரை சுமார் 50 சதவீத படப்பிடிப்பு பணிகள் நிறைவடைந்துள்ளன என்று தகவல்கள் தெரிவிக்கின்றன. படப்பிடிப்பு தொடங்கி ஓராண்டுக்கு மேலாகியும், இடையில் ஏற்பட்ட சில காரணங்களால் படப்பிடிப்பு பணிகளில் சற்று தாமதம் ஏற்பட்டது.

களத்தில் இறங்கிய நிவின் பாலி தற்போது, இந்த நீண்ட இடைவெளிக்குப் பிறகு படத்தின் 4-ஆம் கட்ட படப்பிடிப்பு மீண்டும் அதிரடியாகத் தொடங்கியுள்ளது. இந்த புதிய ஷெட்யூலில், வில்லனாக மிரட்டவுள்ள நடிகர் நிவின் பாலிக்கான முக்கிய காட்சிகள் தற்போது மும்முரமாகப் படமாக்கப்பட்டு வருகின்றன.

LCU வரிசையில் உருவாகும் படம் என்பதால், ‘பென்ஸ்’ திரைப்படத்தின் அடுத்தடுத்த அப்டேட்டுகளுக்காக ரசிகர்கள் மிகுந்த ஆவலுடன் காத்திருக்கின்றனர்.