Trailer
ரெட்ட தல டிரைலர் வெளியீடு ரசிகர்களிடையே பெரும் வரவேற்பு !
நடிகர் அருண் விஜய் நடிப்பில் உருவாகியுள்ள புதிய திரைப்படமான ‘ரெட்ட தல’ படத்தின் டிரைலர் வெளியாகி, ரசிகர்களிடையே பெரும் கவனத்தை பெற்றுள்ளது.
இயக்குநர் கிரிஸ் திருக்குமரன் இயக்கத்தில் உருவாகியுள்ள இப்படம், ஆக்ஷன் திரில்லர் கதைக்களத்தில் தயாராகியுள்ளது. இப்படத்தில் அருண் விஜய் இரட்டை வேடங்களில் நடித்துள்ள நிலையில், நடிகைகள் சித்தி இத்னானி, தன்யா ரவிச்சந்திரன் உள்ளிட்டோர் முக்கிய கதாபாத்திரங்களில் நடித்துள்ளனர். இவர்களுடன் ஜான் விஜய் மற்றும் பாலாஜி முருகதாஸ் ஆகியோரும் முக்கிய பங்களிப்பை வழங்கியுள்ளனர்.
சாம் சிஎஸ் இசையமைத்துள்ள இந்த திரைப்படத்தின் இரண்டு பாடல்கள் ஏற்கனவே வெளியாகி, இணையத்தில் வைரலாகி வருகின்றன. இதனால் படத்தின் மீதான எதிர்பார்ப்பு அதிகரித்துள்ளது.
படத்தை பாபி பாலச்சந்திரன் தயாரித்துள்ளார். ‘ரெட்ட தல’ திரைப்படம் வரும் டிசம்பர் 25ஆம் தேதி உலகம் முழுவதும் திரையரங்குகளில் வெளியாக உள்ளது.
சமீபத்தில் வெளியான இப்படத்தின் டிரைலர், குறுகிய நேரத்தில் 6 லட்சத்துக்கும் அதிகமான பார்வையாளர்களை ஈர்த்து, சமூக ஊடகங்களில் வேகமாக பரவி வருகிறது. இதனால் ‘ரெட்ட தல’ படம் குறித்த எதிர்பார்ப்பு ரசிகர்களிடையே அதிகரித்துள்ளது.
