ேன்ஸ் திரைவிழாவில் கவனம் ஈர்த்த ஹாரர் திரில்லர் “தாழ் திறவா” பட டீசர் !

தமிழ் சினிமாவில் அவ்வப்போது சில வித்தியாசமான கதைக் களங்கள் வெளியாகி ரசிகர்களை ஆச்சரியப்படுத்தும். அந்த வரிசையில், தற்போது சர்வதேச அளவில் கவனத்தைப் ஈர்த்து, தமிழ் சினிமாவிற்குப் பெருமை சேர்த்துள்ளது “தாழ் திறவா” திரைப்படம். திகில் மற்றும் மர்மம் நிறைந்த ஹாரர் த்ரில்லராக உருவாகியுள்ள இத்திரைப்படத்தின் ஃபர்ஸ்ட் லுக் போஸ்டர்கள் தற்போது வெளியாகி இணையத்தில் வைரலாகி வருகின்றன.

கேன்ஸ் திரைப்பட விழாவில் உலகளாவிய வரவேற்பு!

உலகளவில் திரை ரசிகர்களால் மிக உயரியதாகக் கொண்டாடப்படும் கேன்ஸ் திரைப்பட விழாவில் (Cannes Film Festival), ‘தாழ் திறவா’ படத்தின் டீசர் கடந்த மே 19ஆம் தேதி இந்தியன் பவிலியனில் (Indian Pavilion) திரையிடப்பட்டது. உலக சினிமா ஆளுமைகள் மத்தியில் இந்த டீசருக்கு பெரும் வரவேற்பும் பாராட்டுகளும் கிடைத்துள்ளன. சர்வதேச அரங்கில் ஒரு தமிழ்ப் படம் திரையிடப்பட்டு அங்கீகாரம் பெற்றுள்ளது ஒட்டுமொத்த கோலிவுட்டையே பெருமிதம் கொள்ளச் செய்துள்ளது.

கதைக்களம் என்ன?

அகழ்வாராய்ச்சியை (Archaeology) மையமாகக் கொண்டு, அதனுடன் ஹாரர் மற்றும் அமானுஷ்ய கூறுகளை இணைத்து ஒரு மாறுபட்ட முயற்சியாக இப்படம் உருவாகியுள்ளது.

ஒரு கிராமத்தில் கண்டெடுக்கப்படும் பழமையான எழுத்துக்கள் மற்றும் அதன் பின்னணியில் மறைந்திருக்கும் மர்மமான ஆபத்துகளே இப்படத்தின் மையக் கதையாக அமைந்துள்ளது.

Barman Pictures தயாரிப்பில், இயக்குநர் பரணி சேகரன் இயக்கத்தில் உருவாகியுள்ள இப்படத்தில் ஆதவ் கண்ணதாசன் மற்றும் வாணி போஜன் முதன்மை கதாபாத்திரங்களில் நடித்துள்ளனர். இவர்களுடன் சுரேஷ் மேனன், சுப்பு பஞ்சு, ஷ்யாம் பிரசாத் மற்றும் குழந்தை நட்சத்திரங்களான லிஷா, லலித் ஆகியோர் முக்கிய வேடங்களில் நடித்துள்ளனர்.

இப்படத்தின் ஒட்டுமொத்த படப்பிடிப்பும் ஏற்கனவே நிறைவடைந்துவிட்ட நிலையில், தற்போது இறுதிக்கட்டப் பணிகள் (Post-production) மிக விறுவிறுப்பாக நடைபெற்று வருகின்றன. கேன்ஸ் விழாவில் கவனம் பெற்றுள்ள இப்படத்தின் டீசர் மற்றும் இசை வெளியீட்டுத் தேதி விரைவில் அதிகாரப்பூர்வமாக அறிவிக்கப்படும் என படக்குழுவினர் தெரிவித்துள்ளனர்.