அதர்வா – கயாது லோஹரின் ‘இதயம் முரளி’ரிலீஸ் தேதியை அறிவித்தது படக்குழு !

நடிகர் அதர்வா நடிப்பில் ரசிகர்களின் பலத்த எதிர்பார்ப்புக்கு மத்தியில் உருவாகியுள்ள ‘இதயம் முரளி’ திரைப்படத்தின் அதிகாரப்பூர்வ ரிலீஸ் தேதி அறிவிக்கப்பட்டுள்ளது.

இத்திரைப்படத்தை பிரபல தயாரிப்பாளர் ஆகாஷ் பாஸ்கரன் இயக்கியுள்ளார். டான் பிக்சர்ஸ் நிறுவனம் பிரம்மாண்டமாக தயாரித்துள்ள இத்திரைப்படத்தில் அதர்வாவுக்கு ஜோடியாக கயாது லோஹர் மற்றும் பிரீத்தி முகுந்தன் ஆகியோர் நடித்துள்ளனர். மேலும், முன்னணி நடிகர் ஃபகத் ஃபாசில், ரக்‌ஷன், டிராவிட் செல்வம், நிஹாரிகா, ஏஞ்சலீன் உள்ளிட்ட பல முக்கிய நட்சத்திரங்கள் இப்படத்தில் இணைந்து நடித்துள்ளனர்.

முன்னதாக, ‘இதயம் முரளி’ திரைப்படத்திலிருந்து வெளியான மூன்று பாடல்களும் ரசிகர்களிடையே பெரும் வரவேற்பைப் பெற்று, இணையத்தில் நல்ல கவனம் ஈர்த்தன. பிரபல இசையமைப்பாளர் தமன் இத்திரைப்படத்திற்கு இசையமைத்துள்ளார் என்பது குறிப்பிடத்தக்கது.

சமீபத்தில் அதர்வா நடிப்பில் வெளியான ‘தணல்’ திரைப்படம் கலவையான விமர்சனங்களைப் பெற்றிருந்த நிலையில், இந்த புதிய படத்தின் மீது ரசிகர்களுக்கு மிகுந்த எதிர்பார்ப்பு உள்ளது. தற்போது அனைத்துப் பணிகளும் நிறைவடைந்த நிலையில், ‘இதயம் முரளி’ திரைப்படம் வரும் ஜூலை 10-ஆம் தேதி உலகம் முழுவதும் உள்ள திரையரங்குகளில் வெளியாகும் என படக்குழுவினர் அதிகாரப்பூர்வமாக அறிவித்துள்ளனர்.