இணையத்தை ப்ளாஸ்ட் செய்யும் ஜனநாயகன் முதல் பாடல் தளபதி கச்சேரி !

இயக்குநர் எச்.வினோத் இயக்கத்தில் தளபதி விஜய் நடித்துள்ள திரைப்படம் ஜனநாயகன். இப்படம்தான் விஜய்க்கு கடைசி படம் இதற்கு பின்னர் முழு நேர அரசியலில் ஈடுபடவுள்ளார்.

விஜய்யுடன் இப்படத்தில் நடிகை பூஜா ஹெக்டே, மமிதா பைஜு, பாபி தியோல், பிரியாமணி உள்ளிட்ட பலர் நடித்துள்ளனர். ராக்ஸ்டார் அனிருத் இசையமைக்கும் இப்படத்தை கே.வி.என்.நிறுவனம் மிக பிரம்மாண்டமாக தயாரித்துள்ளது.

அனைத்து படப்பிடிப்புகளும் நிறைவடைந்து தற்போது வெளியீட்டு பணிகள் வேகமாக நடைபெற்று வருகிறது. இந்த நிலையில் இப்படத்தின் முதல் பாடல் ‘தளபதி கச்சேரி’ என்ற பாடல் வெளியாகி பட்டி தொட்டி எல்லாம் ஆட வைக்கிறது.

அறிவு இப்பாடலை எழுத விஜய் உடன் அனிருத் மற்றும் அறிவு ஆகியோர் இணைந்தே இப்பாடலை பாடி உள்ளனர். விஜய் நடிக்கும் கடைசி படம் என்பதால் படத்தின் மேல் மிகப்பெரிய எதிர்பார்ப்பு இருந்து வந்த நிலையில் வெளியான முதல் பாடலும் அந்த எதிர்பார்ப்பை பல மடங்கு எகிற வைத்து விட்டது.