5 மில்லியன் பார்வையாளர்களை தொட்ட விஜய்யின் செல்பி வீடியோ !

வம்சி இயக்கத்தில் தளபதி விஜய் நடிப்பில் , தமன் இசையில், தில்ராஜூ தயாரிப்பில், ராஷ்மிகா மந்தனா, சரத்குமார், பிரகாஷ்ராஜ், ஷியாம், ஶ்ரீகாந்த், குஷ்பூ என பல முன்னணி நடிகர்கள் நடிப்பில் உருவாகியுள்ள திரைப்படம் வாரிசு.

இப்படத்தின் இசைவெளியீட்டு விழா நேற்று மாலை சென்னையில் மிக மிக பிரம்மாண்டமாக நடைபெற்றது. இந்த இசை வெளியீட்டு விழாவில் இறுதியாக பேசி விட்டு ரசிகர்கள் இருக்கும் அரங்கத்தை சுற்றி ஆர்பரிக்கும் வீடியோ ஒன்றை செல்பியாக எடுத்து பதிவிட்டார் விஜய்.

நேற்று நள்ளிரவு அந்த வீடியோவை விஜய்யின் அதிகாரபூர்வ டுவிட்டர் பக்கத்தில் பதிவு செய்தார். அந்த வீடியோவுடன் என் நெஞ்சில் குடியிருக்கும் என்ற ஹேஷ்டேக்குடன் பதிவிட்ட அந்த வீடியோவுக்கு சில மணி நேரத்திலேயே 5 மில்லியன் பார்வையாளர்களை கடந்தது.

இது வரைக்கும் இல்லாத அளவிற்கு தளபதி விஜய் நேற்று விழாவில் மிகுந்த மகிழ்ச்சியுடன் காணப்பட்டார். பீஸ்ட் படத்தின் தோல்விக்கு பின்னர் வாரிசு படத்தில் நடித்துள்ள விஜய்க்கு இப்படம் முழு திருப்தியை கொடுத்துள்ளதுதான் அதற்கு காரணம் என்று கூறப்படுகிறது.